Maaniipputit
  > Saqqaa

Tasiortap oqarasuaataa 141 matoqqassaaq

Kinguaassiuutitigut innarlerneqarsimasunut ikorfartoqatigiiffiup Tasiortap nuna tamakkerlugu oqarasuaatikkut siunnersuiffia 141, matoqqassaaq  01. Juli-miit -  01. August-p tungaanut 2014.

  



  • Ataatsimeersuarneq 2014-imit

    Tusagassiuutinut

    TASIORTA, Kinguaassiuutitigut innarlerneqarsimasunut ikorfartoqatigiiffik nalinginnaasumik ukiumoortumik ataatsimeersuarpoq 9. april 2014. TASIORTAp Nuummi arnanut angutinullu inersimasunut atornerlunneqarsimasunut katsorsaanissamik akeqanngitsumik neqeroorutini ingerlatiinnassavai, tapiissutitigut aningaasaqarneq qularnaarneqarpat. Nuna tamakkerlugu oqarasuaatikkut siunnersuiffik normu 141 sianertumut atkeqanngitsoq ingerlaannassaaq.

    Ilaqutariinnermut Naalakkersuisoqarfiup inersimasunik meeraanerminni kinguaassiuutitigut atornerlunneqarsimanertik pissutigalugu kingunipilutsitsisunik katsorsaasussanik sinerissami angalasartunik september 2013-mi pilersitsinera ataatsimeersuartunit tapersersorneqarpoq. Ataatsimeersuartut maluginiarpaat, katsorsaasut ilaasa nutserisoqarlutik katsorsaaneq ingerlattaraat, tamannalu TASIORTAmit isumaalunnartutut isigineqarpoq. Naluneqanngilaq imaannaanngitsunik aqqusaagaqarluni atornerlunneqarsimagaanni nammineq oqaatsit atorlugit nutserisoqarani katsorsarneqaraanni angusassaq pitsaanerpaasartoq.

    Sinnera atuaruk...


    2013 ukiumut nalunaarusiaq

    1. Aallaqqaasiut - Kisea Bruun, Siulittaasoq

    Tasiortap pilersinneqarneranit ukiut arfinneq marluk ingerlasimalerput, piffissallumi ingerlareersup takutippaa suli Tasiorta pisariaqartinneqartoq. Inoqateqarpugut meeraanerminnit inuusuttuunerminnillu kinguaassiuutitigut innarlerneqarsimanermik kingunerisaanik ikiorserneqarnissamik pisariaqartitsisunik, taakkulumi isumannaatsumik inulerinermillu ilinniarsimasunit ikiorserneqarnissaat Tasiortap suliassaasa pingaarnerit ilagaat. Qujanartumillu tamanna Nuuk eqqarsaatigalugu piviusunngortinneqarsinnaavoq tarnit pissusiinik ilisimasalinnit nammineq oqaatsigut atorlugit aammalu suliaminnut pikkorissunit misilittagaqarluartunillu isumagineqarsinnaasarsimammat.

    Sinnera tamaat uani atuaruk...


    Kisimiinngilatit

    Tasiortap inersimasunut meeraanerminni kinguaassiuutitigut atornerlunneqarsimanertik pissutigalugu kingunerlutsitsinut tarnit pissusiinik ilisimasalinnit ingerlanneqartumik katsorsarneqarnissaq neqeroorutigaa.

    Tasiortap sullissinermini saaffigai inersimasut 18-it sinnerlugit ukiullit meeraanerminni inuusuttuunerminniluunniit kinguaassiuutitigut atornerlunneqarsimasut, taakku qanigisaat aammalu sullissisut.

    Kinguaassiuutitigut atornerlunneqarsimagaanni ingerlaannartumik kingunerlutsitsineq pisinnaavoq. Amerlasuulli aamma kingusinnerusukkut inersimasunngoreernerminni kingunerlutsitsisarput.

    Sinnera atuaruk...


    Ilaasortaanermut akiliut

    Tasiorta 24. April 2013 ataatsimeersuarnerani aalajagiunneqarpoq, ilaasortaanermut akiliut ukiumut 2013 aallarnerfigalugu 100,00 koruuniussasoq.

    Akiliineq uunga ikisinikkut pissaaq: GrønlandsBanken 6471-1807606

    Eqqaamallugu nalunaassagakku kina akiliinersoq.

    Uani ilaasortanngorniuteqarsinnaavutit


    Nutaarsiassat kingulliit

    Juli 2013

    Katsorsaanermik – Ikorfartoqatigiinnillu neqeroorutit

    Tasiorta´p pilersaarutigaa september 2013-miit, arnanut angutinullu 18-leereersimasunut meeraanerminni inuusuttuunerminniluunniit kinguaassiutitigut innarlerneqarsimasunut, eqimattami katsorsaanermik ikorfartoqatigiinnillu ingerlatsinissani.

    Katsorsaarnernut ikorfartoqatigiinnullu ilaaneq sap. ak. 10-ni ingerlanneqartarpoq sapaatip akunneranut ataasiarluni naapinnikkut – ingerlaneqartarlunilu nal. 19.00 – 21.00-p tungaanut.

    Sinnera uani atuaruk...

    Juni 2013

    Ataatsimeersuarnermit:

    Ataatsimersuarnermit imaqarniliaq uani takusinnaavat

    Ukiumoortumik nalunaarusiaq 2012 uani takusinnaavat

    Siulittaasup nalunaarutaa uani takusinnaavat

    April 2013

    Ataatsimeersuarneq 2013

    TASIORTA, Kinguaassiuutitigut innarlerneqarsimasunut ikorfartoqatigiiffik nalinginnaasumik ukiumoortumik ataatsimeersuarpoq 24. april 2013. TASIORTAp arnanut angutinullu inersimasunut atornerlunneqarsimasunut katsorsaanissamik neqeroorutini ingerlatiinnassavai.

    Sinnera uani atuaruk...

    TASIORTA arnanut eqimattamik katsorsaanermik akeqanngitsumik neqerooruteqarpoq

    Kinguaassiutitigut innarlerneqarneq akiorniarlugu peqatigiiffik  Tasiorta arnanut 18-lereersimasunut meeraanerminni inuusuttuunerminniluunniit innarlerneqarsimasunut eqimattamik katsorsaanermik neqerooruteqarpoq.

    Sinnera uan atuaruk...

    Janur 2013

    TASIORTA angutinut eqimattamik katsorsaanermik akeqanngitsumik neqerooruteqarpoq

    Kinguaassiutitigut innarlerneqarneq akiorniarlugu peqatigiiffik  Tasiorta angutinut 18-lereersimasunut meeraanerminni inuusuttuunerminniluunniit innarlerneqarsimasunut eqimattamik katsorsaanermik neqerooruteqarpoq.

    Sinnera uani atuaruk...


    Siunertat pingaarnerit

    • Iliuuseqarsinnaanermut katsorsaanermullu periarfissanik pilersitsineq.
    • Kinguaassiuutitigut atornerlunneqarsimasut ilaqutaasalu atornerluinerup kingunerinik aniguiniaanerini nukittorsarnissaannullu ikiuunnissaq.
    • Kinguaassiuutitigut atornerlunneqarsimasut ilaqutaasalu ajornartorsiutiminnik, misilittakkaminnik katsorsarnerminnilu misilittakkaminnik siunissamullu neriuutiminnik isummersoqatigiiffissaannik pilersitsinissaq.
    • Kinguaassiuutitigut atornerlunneqarsimasut, ilaqutaasa kiisalu eqqugaasunik sullissisut kajumissutsiminnillu sullissisut iliuuseqarsinnaanermut katsorsaanermullu periarfissat pillugit ilitsersorneqartarnissaat siunnersorneqartarnissaallu qularnaassallugu.
    • Ilisimasanik misilittakkanillu katersineq.

    Malittarisassat uaniipput

Ukiumoortumik ataatsimeersuarnissaq

Kinguaassiutitigut innarliisarneq akiorniarlugu tapersersuilluni peqatigiiffik

”TASIORTA”

Ukiumoortumik ataatsimeersuassapput sisamanngorneq 26. April 2012 nal. 19.00

Innuttaasut illuanni Illorput , Sorlaat 11.

Ataatsimeersuarneq malittarisassat malillugit ingerlassaaq .

Naggataatigut Aannguaq Poulsen, barcheloritut allaaserisani saqqummiutissava: Kinguaassiutitigut innarliinerit inuiaqatigiit pilersitaattut; inunnik isumaginninnermi sulinermut atasumik kinguaassiutitigut innarliineq pitsaaliorniarlugu suut uku pissutsit immikkut taaneqarsinnaasut? .

 

Saffiginniffissat

Oqarasuaat 32 4142  

Allaffiup ammasarpoq: ataatsinngornermiit taallimanngornermut  nal. 10.00 - 14.00

Oqarasuaat siunnersuisarfik: 141

Ammasarpoq:  Marlunngornnerit nal. 08.00 -10.00

Sisamanngornerit nal.         15.00 - 17.00

E-mail: tasiorta[at]tasiorta[dot]gl

ForfatterForfatter
tasiorta@tasiorta.gl